十日‧兩隻

今天再度預約了主診牙醫，原先打算是幫我的門牙杜牙根，但十日前已經剝掉，那今天應該是幫我鑲回一隻新的門牙，幫它造模和配色，但可惜的是，醫生說他們未有那麼快可以造好，現在實行了５天工作，起碼需要３星期的時間。

那麼我問醫生：「咁！今日做咩好？」

「咁我今日就幫你詳細檢查牙齒啦！」

我一打開口，醫生突然想起：「係啦！今日就幫你剝智慧齒啦！見你的智慧齒都係時候要剝啦！蛀晒啦！你都好野，蛀成咁你都忍得痛，不如今日唔幫你打麻醉針剝牙啦！」

「吓！醫生，唔好玩啦！又剝牙？１０日前先比你剝左隻，今日你又想再剝？」

「你點都要剝嫁啦！到時你再排期要等年半，你自己諗啦！」醫生加強語氣﹒﹒﹒

「咁！好啦！不過要打麻醉針！」我死死地氣﹒﹒﹒

醫生又開始拿起銀色粗粗的大型工具放入我口腔，以我十日內剝兩隻牙的經驗，見慣不怪，只希望一切順利，不要在我口腔搖來搖去就好了。但不幸也總是離不開﹒﹒﹒

「先生，你的牙齒已經弱晒！我而家要將佢分屍，才把佢逐隻牙腳挑出來！」

「醫生，你話點就點啦！不過最緊要快！」

卒之用了５分鐘的時間完成，醫生也出了一身汗呢！

最後我多謝醫生之餘，我還向醫生講：「我真的以後唔想再見你了！見親你就要剝牙！」

醫生笑著答我：「我都唔想見到你呀！次次都搞到我出晒汗！不過下次見你係鑲牙，咁！我地仲見唔見丫！」

「醫生你好野，下次我一定準時到！」

我想，這位醫生很快便成為我的好朋友！哈～

經過了這幾次的經歷，我可以肯定地和大家分享，剝牙是唔痛的，可能打麻醉針時還要痛，不過剝牙的過程相當難受，要作好心理準備。事後當麻醉劑過後，都會有一兩天痛，但相比蛀牙的痛少得多，不過在進食時就要小心，進食後一定要漱口，保持口腔及傷口清潔。