我們憤怒了!爭取48~

這幾天馬不停蹄忙著幫消防處職工總會工作,目的是要爭取把每周工時由五十四小時減至四十八小時,現時九成八政府公務員每周工作時數也在四十八小時或以下,但消防員目前的工時仍為每周五十四小時,公平何在?而且自九零年起消防工會已經開始爭取縮減工時至今已達二十一年,但當局仍未有回應,當消防員是什麼?完全不尊重我們的工作。

今天,我們同心協力,再次走出來向政府提出縮減工時的要求,逾千名休班消防員參加工會發起的集會,我們憤怒了!據政府本月初向立法會提交文件,指若前線消防員工時縮減至四十八小時,每年額外開支將達二億七千萬元,而且必須符合「三不」原則,即不需額外財政資源和人手,及不影響服務水平。

但我想知道,這個「三不」原則是怎樣算出來的?當人手不足,有迫切性的時候,這個「三不」原則也能生效嗎?相反地想,如果以每年以額外開支二億七千萬元計,消防處已經為政府慳回五十六億七千萬元。我們前線的消防員,火有火裡去,水有水裡去,當大家有需要的時候我們也會挺身而出,穿梭於危險和災難之間,而每年也得到大眾市民的認同,獲獎無數… 還記得犧牲了的消防員嗎?我們不值得享有應得的福利嗎?

下一步消防工會就會去信保安局及公務員事務局,要求回應我們的訴求,假如紀律人員薪俸及服務條件常務委員會仍然堅持「三不」原則,亦即是說沒有溝通餘地,相信到時會有更加多的消防員走出來。我在這裡向大家呼籲,請支持消防員爭取縮減工時,希望到遊行一刻,和我們一起拼肩作戰!

以下是各大傳媒報導:有線新聞東方日報太陽報蘋果日報文匯報、香港商報

9 Comments

  1. by 米玉玉 on 24 September, 2011  0:09 Reply

    十萬個支持呀!!! .\_/.
    根本果班話事既人都唔明白你地既工作有幾危險!!!
    最離譜係睇新聞時聽到話: 如果減工時又唔減薪酬, 即係變相改咗待遇條件, 話怕會對其他紀律部隊會有影響! 我又想知... 有咩影響呢??? 根本大家工作性質, 工時都唔同, 有咩影響?? 難道其他紀律部隊每週工作 42 - 48 小時, 人工又高過消防員既時候, 咁樣就唔會影響消防員???? 真係好想知佢地係用個腦諗野定用個 pat pat 諗野???? 你話如果當大家基本條件都睇齊時而有 on top 要求就話會影響啫!! 係咪低能架????? .\_/.

    果三不就仲白痴!! 都唔知邊 X 個諗既??! 原本都已經唔夠人架啦~ 要請人根本就係必需!! 情況同護士一樣!! 明明唔夠人, 又死都唔肯撥多D資源請人~ 我堅好想請果D 做決策既人, 自己親身去做吓感受吓囉!! 電視做 show 極都有個 "窮富翁大作戰" 啦, 不如叫佢地都拍返輯啦, 叫決策果班人落去做返相同既野, 等佢自己感受吓係點啦!!

  2. by Hugo on 25 September, 2011  2:05 Reply

    Jack,想知道你會唔會繼續寫”操班點滴”?我好鐘意睇你嘅”操班點滴”呀
    另外,如果考消防,1分鐘25下俯後撐算唔算最難嗰part?

    • by Jack Szeto on 25 September, 2011  5:27 Reply

      多謝你支持我的故事,這是未完成的,總有一天我會繼續寫下去~
      其實考消防每一 part 也不容易,但只要有針對性的練習,一定會成功,加油呀!

  3. by grace wong on 28 September, 2011  4:23 Reply

    絕對支持!!!
    既然同是紀律部隊,政府不應厚此薄彼!
    支持你哋爭取自己應有權益,努力加油.....support

  4. by b仔 on 29 November, 2011  19:15 Reply

    真係欺人太甚,火都黎,雖然在下未係消防員,但我相信每位消防員都同我一樣,好有理想同抱負,先去揀做消防員,"三不"太不知所謂的說法了,不如問返佢,如果佢摸光豬,樹葉就得一塊,請問點樣先可以唔洗加多塊樹葉之下,同時又可以遮哂d重要部位?根本傻既都知,要唔影響服務就要增加人手,同工具,消防係一個耗資大既團體根本就係定律,消防既工作,唔係一碌警棍,六粒子彈,或一兩架van仔咁去捉小犯,如果慳,就真係冇得慳,難聽d講除非真係識食屎屙飯,先可以有佢所講既效果,點解咁有錢搞個警察區樂部,槍會又盛,消防冇?如果學歷黎計,消防同考警察,或其他部隊都係要中5架啦,有錢搞其他野,點解唔花多d資源係真真正正拯救既部門之上,老實講,唔扣工時,咁既工作時間起碼加人工啦,警察消防我都試過考,消防同警察考既野,辛苦程度真係蚊比同牛比,消防絕對係有資格取回應有既福利,有邊個唔怕死,就係怕都頂硬上,係因為消防員每個都珍惜生明,用自己生命換取更多生命,希望作為高官,要認真了解多一點任何事,而唔係人在高處就夠,做人應將心比己,過到自己過到人地.

    • by Jack Szeto on 1 December, 2011  20:44 Reply

      b 仔~ 有你做支持者,我好開心!
      Thx~~~ ^^

  5. by 和仔 on 10 December, 2011  21:57 Reply

    支持尊敬的消防員!!!好開心遇到你個blog
    高官們坐系寫字樓冬暖夏涼的工作環境, 應該體諒消防工作呀!!

    • by Jack Szeto on 12 December, 2011  11:42 Reply

      和仔,多謝你的支持~

  6. by Kai Liu on 1 November, 2012  18:20 Reply

    比較想知多D“以每年以額外開支二億七千萬元計,消防處已經為政府慳回五十六億七千萬元。”詳情。。。

Leave a reply

Your email address will not be published.