就連天… 也不喜歡我嗎?

自從相機入了廠之後,人生就好似缺少了什麼,而且無奈的事接二連三… 颱風之後,每一日也天朗氣清,遠遠都可以望到維港的對岸,萬里無霞,雲層千變萬化,是拍攝風景照的最好時機;五百年難得一遇的世紀日全蝕,持續時間之久令一般人也可以輕易用相機拍下難得的照片;聽到一班蝴蝶愛好者日日也忙過不停,東奔西跑,趕著到蝴蝶熱點尋找非常罕有的迷蝶… 每一件事也出現在這個沒有相機的時候,就連天… 也不喜歡我嗎?

有時候,人生就是這麼的無奈,明明可以輕易做到的事情,也總會有千萬個難題給你遇上,阻擋了前路。幸好我是一個不怕困難的人,我明白世界上會有很多古怪的難題,但只要好好去面對和解決,最終一定可以排除萬難,奇蹟就會出現…

14 Comments

  1. by b仔 on 23 July, 2009  23:20 Reply

    振作吧..除左影相人生還充滿色彩同挑戰...雖然相機入廠後有好多
    野影..就係命運對你說..世事變幻無常..應擁有時珍惜每一秒 捉緊每一分每一秒
    我都試過同樣問題..可以叫做衰開有條路..
    我都唔明點解我永遠拎住好多重既物品坐升降機..永遠都大把人住我較低既層數..真係拎重野拎死我..到我兩袖青風..偏偏一個人坐哂成部升降機-.-我想去廁所..永遠有人沖涼...我唔想去偏偏冇人用廁所-.-
    不過你說得對..人生太多難題..但我會講"個天玩我唔死既" =]

  2. by 立志當消防員的f.2學生 on 24 July, 2009  0:02 Reply

    係囉!做人處世唔係樣樣順利,就如待巴士,要上果架車就偏偏就要等得耐D,當唔洗上果陣就多到幾架一齊來,唉!人生就係咁,愈想得到既野,個天就偏偏要你經歷重重考驗先至可以得到.做人一定有起有跌,只要不怕困難能爬番起身就掂!

  3. by 域高 on 24 July, 2009  10:04 Reply

    明白你的感受, 喜歡影相的人總會遇過這種狀況, 無電的時候難得的攝影對象才出現, 祇有一個長鏡時卻發現滿天飛鳥整飛, 卻苦無廣角將它們全收入鏡, 係好慘的, 唯有阿Q的用心去影, 好過無啦, 希望你架相機早的返回你身邊啦。 ;)

    • by Jack on 25 July, 2009  9:47 Reply

      我都好期待呢一日,始終佢都同我經常都出生入死,帶我走入繽紛既攝影世界,我唔想就咁就放棄佢買新機...

  4. by b仔 on 24 July, 2009  11:44 Reply

    立志當消防員的f.2學生...乜你都係有咁既情況
    我都係..我住元朗果陣等車兩架去天水圍先有一架去元朗
    搬左天水圍就幾架元朗先有架去天水圍
    仲要冇位坐..

  5. by Yi on 24 July, 2009  20:12 Reply

    儍仔,唔好比眼前瑣事阻擾你既心眼.你試諗吓你擁有一對視力良好既眼睛,佢唔係比你部相機珍貴得多嗎?相機只係一種工具,用以記錄影像在Memory Card 上.但Card係靜態架,我地個腦郤係動態架.我地真係無需要通過相機去欣賞呢個世界既美,照片只係錦上添花.
    上天點會唔喜歡你呢,你試諗吓如果你視力唔好,你可以做到你喜歡既工作嗎.想多d你有既野,你會發覺,原來個天係錫到你燶架子^_^

    • by Jack on 25 July, 2009  9:53 Reply

      師姐多謝妳的提點呀!我都感到上天給我的東西已經係全世界最好最寶貴的 ^^
      不過冇得出去影蝴蝶始終都係心郁郁 ^^"

  6. by 立志當消防員的f.3學生 on 4 November, 2009  21:00 Reply

    Jack我真係完全體會沒有相機的日子,因為自己也是因相機壽命已盡而錯過影晚霞景色的機會,現在秋高氣爽是拍景色,消防車的大好日子,好慘!今個星期日仲話去GFS都影直昇機同百年難得一見的機場消防車,睇來到係聽天由命!生活總欠缺了些...唉!

    • by Jack on 10 November, 2009  0:55 Reply

      這就是攝影的吸引之處,有一D東西佢唔會比你輕易得到,要磨練你的耐性... 但只要堅持去做某一件事,最終機場消防車一定可以比你影到 ^^

  7. by 立志當消防員的f.3學生 on 10 November, 2009  18:24 Reply

    終於皇天不負有心人問人借左機,我影到GFS直昇機同機場消防車,得閑去我facebook睇睇相.

    • by Jack on 14 November, 2009  23:57 Reply

      睇左 ^^ 我喜歡架 F2007, 影的角度也很好...

      • by 立志當消防員的f.3學生 on 15 November, 2009  12:39 Reply

        多謝,影相影得好定唔好都要睇時機我會繼續努力.

  8. by 立志當消防員的f.3學生 on 10 November, 2009  18:49 Reply

    多謝MOSAD既救護師兄,今日又係一年一度秋季旅行日子,目的地SK郊野公園,誰料到會樂極生悲一位同班同學捕捉昆虫爬欄而過因手絆倒欄杆再跌倒落地而手的臂骨應受此碰撞而斷骨,由於急救工具不足下,自己只可跑上前脫去外套作護枕令他頭部舒適再給他喝些水雖然自己幫不上忙但也因此而高興因為只少有出些力,但最終也要多謝救護師兄們.沒有你們便不成事,經此事更使可視救護為第二份理想職業.

    • by Jack on 15 November, 2009  0:02 Reply

      唔好話幫唔幫到手,只要有那棵救人的心已經是加入救援工作的先決條件 ^^ 恭喜你呀!
      不如你係呢個階段,去紅十字會或者 St. John 學急救,萬一有同類事件發生都可以盡一點力。

Leave a reply

Your email address will not be published.