等待的感覺!

到別處乘交通工具要等、肚子餓買東西吃要等、到主題公園玩機動遊戲要等、約朋友看電影要等、不幸遇到意外到急症室求診也需要等… 究竟我們在一生之中,為了等待浪費了幾多光陰?我非常憎恨這些等待的感覺,但無奈這些感覺每日都在發生…

回看小時候的紀念冊,經常也可以看到那一金句「一寸光陰一寸金,寸金難買寸光陰!」其實以那時候的知識,應該不會有太大的感覺,說說笑地講一句「寸親比人打鑊金!」還能夠容易明白。哈哈~

六星期前在豐澤訂了一部 27″ iMac,遇上了一件不愉快事情,原本興致勃勃地等待它的來臨,但豐澤給我的交貨日期一改再改,一拖再拖,就算經消委會和旅發局投訴和跟進,答案也是無了期…

六星期後,終於也給我等到了,原來在這個年代要得到一件 Apple  的產品,不可以說是購買,而是等待,需要金錢之餘,還需要耐性,iPhone 是,iMac 也是,急也是無補於事,只會増加煩惱和更加浪費光陰,我討厭 Apple 的銷售手法,我討厭這些等待的感覺!

30 Comments

  1. by 立志當消防員的f.3學生 on 28 December, 2009  8:18 Reply

    人生誰人不曾經歷過等,打過比如,發生意外時傷者也需等待消防員的救援呢!

  2. by Bell on 28 December, 2009  11:21 Reply

    APPLE是好臭寸的...我也領教過呢!
    給你一個心理準備,就是不要太期待它的中文輸入!你會更加勞氣呢!!

    • by Jack on 30 December, 2009  19:43 Reply

      開頭也不習慣佢既中文輸入法,不過朋友介紹了奇摩輸入法之後,就一切回覆返 windows 既輸入法了,妳可以一試呀! ^^
      http://tw.widget.yahoo.com/keykey/

  3. by 天佑 on 28 December, 2009  12:38 Reply

    我三年多前領教過豐澤了,因不知原來 Apple Store 用 Citibank credit card 可分期,所以去了豐澤購買 iMac 24",若果是 standard configuration 聽閒很快便送貨,Built-to-order (BTO),即 custom config 的話就很遲送貨,我那次便等了很長時間才收到。

    這次我便直接在 Apple Store 分期購買 iMac 27" Quad-core i7,兩星期便收到機了。

    @Bell:那因為 Apple 一直使用的倉頡是第五代,而 Windows 的是第三代而已,那要看用家的習慣了。

    • by Jack on 30 December, 2009  19:47 Reply

      係啦!如果我一早去申請 Citibank Credit Card,再到 Apple Store 訂仲快~ ><"
      下次買 Apple 野一定再唔會咁笨了!

  4. by 鋒 on 28 December, 2009  21:53 Reply

    噫, 你開始向mac機進發? 聽講mac好似整圖靚唔知係咪的呢?
    而家訂任何電腦,就算唔係mac機,普通電腦,都要等成個月,真係唔知搞咩野,錢就收得鬼咁快。

    係wo,點解會同旅發局投訴? 又關距事?

    • by Jack on 30 December, 2009  20:04 Reply

      係呀!終於都踏出了第一步向 Mac 機進法~ ^^
      同左十日,已經慢慢習慣,的確 Mac 機對於圖像處理方面,很快很準,其他的 cfg 也很貼心,只要花一點時候去熟習,對於工作方面 Mac OS 的確比 Windows OS 穩定一些,不過就冇咁多軟件可以玩囉!

      因為豐澤係旅遊發展局指定的優質商鋪,係我呢件事裡,假如我是一位來香港作短暫工作的商人,要用這個產品來工作,而遲遲也被妳一推再推,又得不到一個確實的日期... 所以我看不到佢有幾優質... 所以去旅發局投訴佢!

  5. by WiLLiAM FuNG on 3 January, 2010  0:27 Reply

    嘩!恭喜晒呀!真真正正成為一位蘋果人!

    • by Jack on 3 January, 2010  12:22 Reply

      係呀~用左一排,蘋果真的好用,又發覺... 買遲左了!
      不過都要慢慢習慣佢既 short key~

  6. by b仔 on 15 January, 2010  20:16 Reply

    我想問jack你係唔係用緊iphone...我想買d比較有型
    同埋可以禁制禁個mon既手機...即係d人答地鐵果陣
    篤篤下果d..有冇好介紹

    • by Jack on 16 January, 2010  1:07 Reply

      b仔,我當然會推薦用 iPhone 啦!(如果錢包許可 ^^")
      它的確是一部相當優秀的手機,反應快,而且係第三方的軟件支援又多,很人性化吧!
      如果你想出機,可以等到1月23日既 smartone 發佈會,睇下佢有咩新優惠都好。

  7. by b仔 on 16 January, 2010  1:46 Reply

    唔該哂...我會留意下 同埋最緊要有mp3工能 音樂係人生不可缺少既一部分=]

  8. by b仔 on 18 January, 2010  6:51 Reply

    救命!我想問iphone呢類觸屏手機..係可以上網 但係唔係要
    申請埋流動上網架?
    同埋我見sony都有呢類手機...sony功能似唔似iphone架?
    兩部都好蕭灑..真係唔知買邊部好T.T

    • by Jack on 19 January, 2010  19:43 Reply

      當然買唔買 iPhone 都要考慮一下係咪經常用來周圍上網?
      如果唔係的話,可以考慮其他手機,因為要上網的話就一定要用無限上網既 plan,每個月的月費也要一同考慮哦!

  9. by 立志當消防員的f.3學生 on 18 January, 2010  11:57 Reply

    好開心啊Jack,b仔今日(佢)居然同我講叫我陸運會比賽1500m要加油令我開心到死!

    • by Jack on 19 January, 2010  19:52 Reply

      哈哈~咁你要比心機練習,希望你可以奪得獎項~
      到時就可以送給她... 快d落去練跑啦! ^^

  10. by b仔 on 18 January, 2010  15:27 Reply

    真係令人羨慕...意中人鼓勵自己係一件令人開心既事..你要比心機嬴
    哈...你搞到我諗返故人曾經叫我籃球學界比心機=]

  11. by 立志當消防員的f.3學生 on 19 January, 2010  21:01 Reply

    JACK!IF HAVE THE LESSSON,THE FIRE OFFICER OF SL FIRE STATION WILL BE call me?

    • by Jack on 22 January, 2010  23:52 Reply

      Yes~ 佢地會通知你幾時上堂的!

  12. by 立志當消防員的f.3學生 on 20 January, 2010  22:25 Reply

    唉!B仔,Jack,我諗烈火雄心3既兄弟情同愛情缺裂即將令我體驗過來!一個係我最好既兄第,一個係鐘意既人,呢D係巧合嗎!濕地公園無望啦!呢日自己終於流下男兒涙!上天安排得......點解!連你都嬉弄我!!!^^

  13. by b仔 on 21 January, 2010  3:04 Reply

    你係指...你兩個愛上同一個女仔嗎?

  14. by 立志當消防員的f.3學生 on 21 January, 2010  7:05 Reply

    有機會她又愛上他!

    • by Jack on 23 January, 2010  0:04 Reply

      吾~你今次呢個問題都比較複雜!
      不過如果我係你呢!我會更加做好自己,增加自我的吸引力...
      找多d機會同佢傾下計丫,溝通也是大家增進感情的基石,平常心啦!

  15. by b仔 on 21 January, 2010  17:04 Reply

    唔洗擔心太多...順其自然就可以了
    因為人關係太微妙..有時付出左唔代表有收獲 唔付出唔代表冇收獲

  16. by 立志當消防員的f.3學生 on 3 February, 2010  21:13 Reply

    對不起b仔,這陣子我心煩氣燥,混亂得很,得知(佢)居然原來一直係我面前扮嘢,不論昔日(佢)同我......一直係扮嘢....She every day not love me.!!

  17. by b仔 on 3 February, 2010  21:46 Reply

    立志...竟然佢咁扮野 你都唔好再為佢唔開心...拎得起放得低
    唔好為一個唔識欣賞同愛自己既人沈淪 振作呀 我等緊將來同你一齊救火救人 你仲要讀大學 做我阿sir..知嘛?

  18. by 立志當消防員的f.3學生 on 3 February, 2010  22:34 Reply

    B仔!你要知道嗎我心情現在係幾咁複雜,父母見我態度煩惱,又問東問西,煩死,又話放棄我.成日都係咁,物我好壞咩...放棄..放棄...佢地有資格講咩...恕我直言,佢地冇知格做X我父母,X!咁都算啦!學校D人仲X煩,背後篤我背隻,當我傻仔咁玩,連(佢)都走,走呀走呀,走X曬佢,依嫁冇人係信得過包括my fd and family,除左Jack同你,人際關係咁X差,我做咩fire officer!消防夢從此結束吧!Sorry!我唔應該寫D粗言代詞,希望Jack見諒!將呢度發洩我既情緒真係唔好意思!Sorry!

    • by Jack on 4 February, 2010  17:12 Reply

      你現在的心情我都曾經遇過,激憤、悲傷、煩躁也所難免...
      但你要知道,世界上或是在你的生命裡,還有很多東西待你去發掘,待你去實現,
      有時候想得到喜歡的東西是困難的,尤其是戀愛,是雙方面的,盡了能力,付出過,得不到免強也不能得到幸福。
      相信我吧!這只是一個小考驗,親情是可貴的,雖然她們不能解決你現在的問題,但她們還東問西問,就知道她們是出於關心!
      唔開心是有的,能夠早點回復也是你學習人生的重要一課。
      但要記著,你唔係只得你自己,你仲有我和b仔,還有更多的朋友,唔開心一定要出聲呀!

  19. by b仔 on 4 February, 2010  10:15 Reply

    其實父母肯問東問西 都係關心你 至於放棄你相信未必既 佢地都係想關心你迫下你 立志 我唔希望你放棄夢想 實際D講 假如你咩都冇...係咪要連消防唯一令自己快樂積極既野都冇埋?人生總會不停失去
    但你要學識不停爭取 呢一樣冇左 就拎返第2樣野返黎..我與你由消防認識...唔想你由消防終結 失去唔愛自己既女人...完全唔可惜 反而應該早知結果盡力去找另一個愛 但我死左既係愛我既女人 難道我比你好過嗎?生活上 我同家人關係更差...就算我10日唔返屋企都冇人會打個電話比我 但我知道 冇親情冇情人 但我仲想有夢想 立志請不要結束你既夢想!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Leave a reply

Your email address will not be published.