當消防員愛上烈火!

最近寫 BLOG 少了,可能給大家有一種忙碌的感覺,但實際上生活也不算是太忙吧!只不過是想給自己一些思考的時間,想一想自己將來的方向和目標,想一想將來的幸福生活… 雖然少了和大家分享,但到訪我們的故事書人數不跌反升,可能是最近大熱的烈火雄心3效應吧!

今天的話題也想和大家談談烈火雄心3這套新電視劇,回想起當年,由烈火雄心1開始,已經是深深被它吸引,在劇集中一些插曲和口頭禪還記憶猶新,南山三虎的「兩脅插刀」和「大無畏」之歌… 都是當年常常掛在口邊的。而且,到了今時今日,「大無畏」已經成為了多元智能訓練和消防安全大使必唱之歌~ 或許,這就是我第一個渠道去認識消防員的工作和興趣的來源。

烈火雄心2大概是7年前的劇集,記得那時候我已經在八鄉操班,艱苦地學做一位能救人於水深火熱的消防員,但那時候因為操練的疲倦和考試的忙碌,根本就沒有很多時間來看電視,所以對烈火雄心2的印象不是太深。只知道和第一集是有關連,用原班人馬來延續故事,到最後男主角王喜英勇殉職,遺下了他的女兒… 雖然那時候每一集都會錄起,希望出班之後便會從頭觀看,但我沒有這樣做,因為我知道這全都是虛構的,真真正正的故事,就由自己去延續吧!

轉眼來到烈火雄心3,我已經是一位有少許經驗的消防員,而且也對部門有一定的認知。昨晚看畢烈火雄心3第四集之後的感覺,實在太真實了,無論是劇情故事、人物角色和災難場面等… 也拍攝得很認真,資料搜集充足,沒有「是是但但」,這是值得讚美的。當然有些人物的過勇行為是浮誇了,但對於要去形造一位角色的性格是可以理解的;至於在火場裡的片段,在於觀賞的角度是很清晰、很好看的,但實際的火場裡伸手不見五指。

劇情故事,在第三集裡有一位老總到了榮休的最後一個當值日,因爆血管而永遠和消防局不離不棄… 原來在現實生活中,的而且確是發生了這一段可悲的情節;昨晚來到第四集,一些救謢員的心態也演繹得淋漓盡致,根本就是把現實的舞台搬上了電視的大螢幕。

很喜歡這些像真度高的劇集,我會繼續支持,也希望把它推薦給大家。

96 Comments

  1. by 立志當消防員的f.2學生 on 10 July, 2009  14:13 Reply

    其實有讚有彈,好就是制服上轉變如(普班)在特別服務時用著.改善:但2000年已引入MRU嗎?是2001年引入.
    入八鄉好像先到NP局報局!有些錯漏百出應多加改善!而且第二集商場三級火MCU應出現為何沒有?我亦很喜歡像真度高的消防劇集.希望多加改善!一係不做,一做便要做到最好.對我來說做人原則首要條件.

    • by b仔 on 11 July, 2009  16:38 Reply

      整套第3集 我覺得佢交代太多以前既事了
      1集入面有大部分時間都太詳細講以前...琴晚果集成集都講以前-.-
      希望日後會刺激小小...同埋我有d野唔明..你講過watch即係值日更
      點解佢地兩更人可以同時出現...同埋例如一場火...係交班前發生
      咁剛值班既人會點?會唔會都去火場接班..如果接班...車都已經去左
      佢地接班既車又會點黎呢?

      • by 立志當消防員的f.2學生 on 11 July, 2009  17:05 Reply

        那不就是犯駁處.

        • by b仔 on 11 July, 2009  20:14 Reply

          話時話點解消防局會綠色閘口...佢係咪借左某d非消防處救護站黎拍?

        • by 立志當消防員的f.2學生 on 11 July, 2009  21:52 Reply

          可能綠化因素,環保等.
          PB局也是.

      • by Jack on 12 July, 2009  1:11 Reply

        我地係每朝9點都會轉更,而係這個過程都會有三短一長的落更鐘聲,代表轉更。總之一日未聽到鐘聲,一日都要去做 case。
        而點解佢地唔同隊都可以一齊做野,就可能係9點前先去左架升降台,9點後的由主管需要升級或增援,再 call 車去,咁之後去既車就係唁同隊了~ 這個情況我都有試過。

        • by b仔 on 12 July, 2009  11:49 Reply

          即係去支援既就唔係同一局的第2更同事嗎?

    • by 立志當消防員的f.2學生 on 13 July, 2009  23:29 Reply

      今晚看過烈火雄心3第6集後,是6集來最好看的一次.由其TA爆炸及游繩救人那段.

      • by b仔 on 14 July, 2009  0:12 Reply

        但呢d都係略略提下...佢到底幾時先肯講下現在..
        我就黎忍不住了
        我想問一問...消防局有個制係開閘
        佢係一次過開哂所有 定係每個閘則邊都有制..去咩車就按咩閘口制?

        • by Jack on 14 July, 2009  2:06 Reply

          兩種都有,每個閘都有獨立掣,又有一個係全部閘既總掣。

      • by Jack on 14 July, 2009  2:04 Reply

        拯救場面的確精彩,但係兄弟情決裂了...

        • by b仔 on 14 July, 2009  10:20 Reply

          有時見到東涌局呢...佢d閘係開左一半...show出半架車
          點解又會咁既?好似有個門有密碼鎖 係唔係返工由這邊入?
          烈火雄心3入面...我覺得王喜真係幾慘..佢女朋友對佢太冷淡了
          成日好似唔想見到王喜咁既 同埋王喜都冇做錯..係鄭嘉永做唔好
          就賴王喜-.-"

          • by 立志當消防員的f.2學生 on 14 July, 2009  20:48

            好像係方便車輛出入.

  2. by Yi on 10 July, 2009  16:01 Reply

    年青人總係有佢忙既理由,你仲居然仲有時間去睇戲集,真係難得.我真係冇時間睇(因為係心境年青,所以扮忙)^-^
    回想番當日,真係要好多謝你既教授呀,我經己袋左3萬蚊落袋嗱.
    我只係相信運氣係來自上帝架,所以我即時經己多謝了祂比機會我地再遇上你.
    This is my blog: linkhttp://hk.myblog.yahoo.com/jw!STBx8sKGB0T6qStUhVPt/article?mid=5207

    • by Jack on 11 July, 2009  16:22 Reply

      ^^ 就算冇時間我都會支持烈火,因為有關於我既工作,我都會感興趣。
      我喜歡分享,希望身邊既朋友都有所得著,袋左幾多$落袋不是太緊要,最重要係加以善用 :D
      看到妳幫小狗影的照片,恭喜妳,妳成功了~

      • by 立志當消防員的f.2學生 on 11 July, 2009  19:04 Reply

        Jack請問HP上是否有一樣設備叫笠把喉?

        • by Jack on 12 July, 2009  1:11 Reply

          係!HP 和 MP 都有~

  3. by b仔 on 11 July, 2009  0:55 Reply

    你這句真真正正的故事..就由自己去延續吧 令我對消防員呢一個夢想更加充滿熱誠 希望將來我都可以好似網主你咁..讓自己親身去延續呢一個消防夢 同樣立志當消防員的f.2學生 你都要加油 親身去拍自己既雄火故事

    • by Jack on 12 July, 2009  1:13 Reply

      加油!只要有夢想和目標,堅持去做,終有一日定能夢想成真!

  4. by Meko on 11 July, 2009  17:30 Reply

    支持烈火, 真係好寫實

    • by Jack on 12 July, 2009  1:14 Reply

      咁就要繼續追落去啦!

  5. by 立志當消防員的f.2學生 on 12 July, 2009  10:38 Reply

    Jack請問Snk全港僅有3架包括駐守在你局YL局及TP東局但消防處好像在不久前,是否引入一部新款42米梯台在你局接替服役多年Snk.

    • by Jack on 14 July, 2009  2:13 Reply

      係呀~ 係一年前新既42米梯台已經接替左 Snkl 了
      https://szeto.hk/?p=511

  6. by 立志當消防員的f.2學生 on 12 July, 2009  11:50 Reply

    Jack我想知你們接的case大多是特別服務嗎?

    • by Jack on 14 July, 2009  2:14 Reply

      不一定的,火警鐘誤嗚也有很多~

  7. by Meko on 12 July, 2009  21:08 Reply

    你個網我都會繼續追落去, 加油﹗

    • by Jack on 14 July, 2009  2:14 Reply

      Thanks ^^

      • by 立志當消防員的f.2學生 on 16 July, 2009  11:31 Reply

        Jack請問消防處是否出過一本名叫140週年精裝特刊,聽人說是在FSA訂購,FSA到底是?是否總部的福利組呢?

  8. by 零兒 on 14 July, 2009  15:26 Reply

    睇完您的blog
    令我了解消防好多
    唔知點解對您地既工作好有興趣
    無論係操班或消防工作上

    有時間可唔可以介紹下消防裝備
    同埋消防裝備既圖片呀??

    祝工作順利

  9. by b仔 on 14 July, 2009  22:57 Reply

    今集既烈火雄心3真係好好睇...我一直追求緊就係今集果d
    唔知到大家又喜唔喜歡今集呢
    今集見到斧山局...佢閘口有4個...但今日都只係見王喜一個so
    呢d大局咁多車唔係應該有埋sso嗎?第1同2都係呢類局..我都係見
    兩個so

  10. by b仔 on 14 July, 2009  23:00 Reply

    仲有返一日放兩日..照常唔係王喜今集唔會同鄭嘉穎同更數嗎?
    正常黎講有冇機會掉更?如果掉更休息時間咪唔夠48小時囉?

  11. by 小維` on 15 July, 2009  15:05 Reply

    我係中4學生..
    我2+做緊一個會考習作...

    係有關消防車既,,
    我見到你個bolg,,
    見到你對e方面甘有認識..

    我想向你問下意見,, 可以嗎?!

    • by Jack on 18 July, 2009  17:34 Reply

      唔好意思,我剛剛先睇到你個留言,
      如果你個習作仲未 deadline 既話,當然可以為你解答問題 ^^

      • by 小維` on 20 July, 2009  11:13 Reply

        因為e個係會考習作黎嫁=]]
        s[]個期限係2~3月`

        你願意幫我,,
        真係多謝你=]]]

        不如.. 我add 你msn,,
        我再問你有關消防車既野=]]

        mY MSN::[email protected]

        • by Jack on 21 July, 2009  20:34 Reply

          唔好意思呀小維,我的 MSN 已經被我打左入冷宮好耐...
          你可以 SEND D 問題去我 E-MAIL 等我答你啦 ^^

  12. by Mable on 18 July, 2009  11:40 Reply

    JACK: 想問你一些關於消防安全大使計劃的事
    參加消防安全大使計劃可以以個人身份參加嗎﹖
    還是需要先加入一些志願團體呢﹖

    另外,最近有消防局開放日嗎﹖

    • by Jack on 18 July, 2009  18:35 Reply

      可以!消防安全大使係可以以個人身份加入的。可以到佢地既網頁睇睇詳情:
      http://www.fsaclub.org.hk/
      最近應該沒有活動,消防既官方網會公佈一切有關消防既活動,包括 open day:
      http://www.hkfsd.gov.hk/home/chi/events.html

  13. by b仔 on 18 July, 2009  19:56 Reply

    其實有野想問一問jack..其實消防幾耐請一次人..平時唔多見
    招募 係唔係真係要幾年先請一次呢

    • by Jack on 18 July, 2009  22:18 Reply

      其實消防處個一年會唔會請人,係好睇政府既財政年度,而近呢2~3年,消防都有請一定既人數,放心啦~消防係一個長期缺乏人手既部門,應該每一年都會請人,有消息等我係到通知你地啦!

      • by b仔 on 18 July, 2009  22:25 Reply

        真係唔該哂你...我預計18歲會考...因為我書都讀完了
        只係等時機..政府話毅進當會考5科pass..
        係唔係毅進都可以考呢..
        多謝解答

        • by Jack on 18 July, 2009  22:33 Reply

          係!毅進畢業就等同於 HKCEE 有5科 pass,只要練好d體能,多加留意時事既新聞,你就可以全情投入去考了 ^^

          • by b仔 on 19 July, 2009  8:32

            yes sir...我要派去同你一間局!!!!!

  14. by 立志當消防員的f.2學生 on 18 July, 2009  22:42 Reply

    Jack我出年讀f.3即還有4年,學制改了三三四,即要讀到S6,要考高級文憑是否同上一樣5科 pass,好驚數學肥佬,但如果我中英及其他3科掂得唔得呢?

    • by Jack on 18 July, 2009  23:17 Reply

      咁我又唔清楚334既標準係點,如果我係你的話,我首先會讀好d書入大學,畢業之後就直接考消防隊長就好了~

  15. by 立志當消防員的f.2學生 on 18 July, 2009  23:44 Reply

    我都有咁想過,但我做消防員想吸取5,6年經驗先,做消防員其間半工讀工作時間及讀書時間盡量就返工時間囉!希望Jack你比D意見看看我將來的計劃啦!

    • by Jack on 19 July, 2009  10:05 Reply

      我給你的計劃就係全力讀好書先,入消防不要急於一時,消防是你的夢想,最終一日你都一定能夠實現,如果可以讀多d書一次過去考隊長,這條路就是最好的...

  16. by b仔 on 19 July, 2009  8:31 Reply

    334學制你只要讀到中6...英文同中文合格就可以考消防

  17. by 立志當消防員的f.2學生 on 19 July, 2009  10:24 Reply

    數學唔PASS都得咩?

  18. by b仔 on 19 July, 2009  16:34 Reply

    主要你有5科合格就ok
    例如未改學制前...佢限既係中5程度3科合格包括中文英文(課程乙)
    就人工低d...5科合格既都係包括中英(課程乙) 佢就唔包數學
    可以中英商電腦經濟咁

  19. by 立志當消防員的f.2學生 on 19 July, 2009  21:47 Reply

    Thank you!

  20. by 立志當消防員的f.2學生 on 20 July, 2009  14:47 Reply

    剛到了你局又待出動,雖沒有甚麼事要去車,但得你局內其中一名同事與我詳談消防心得,開心極了!

    • by Jack on 21 July, 2009  20:36 Reply

      你過左黎九龍灣嗎?個日和你傾計既同事應該係B隊的~

  21. by 立志當消防員的f.2學生 on 21 July, 2009  22:45 Reply

    冇錯,佢守HL,傾計果陣你局的一位DO剛跑步回來.係呢!你守A定C隊?你會唔會好似佢會係地下車房當值?右邊閘入面接待處果到呢?

    • by Jack on 21 July, 2009  23:45 Reply

      會嫁~ 大概一個月一次啦!
      我守C隊

  22. by 立志當消防員的f.2學生 on 21 July, 2009  22:50 Reply

    唔知聽日來你局,會唔會見到你?你係咪On duty?

    • by Jack on 21 July, 2009  23:46 Reply

      聽日A隊開工,如果係9點前都可以見到我的 ^^

      • by 立志當消防員的f.2學生 on 22 July, 2009  0:26 Reply

        咁我8:45左右待你fall out後在永安貨倉你局對面睇下見唔見到一個著白色T-SHIRT的小伙子啦!哈哈,可與你交流消防心得及交個是消防員的朋友真可貴,一定不會錯過是次機會.

      • by 立志當消防員的f.2學生 on 22 July, 2009  10:06 Reply

        多謝Jack你今日與我面談消防心得,希望能繼續與你分享及在此Blog留言啦!

        • by Jack on 24 July, 2009  1:17 Reply

          繼續衝向自己既夢想,終有一日你一定可以成功穿上消防的制服!

  23. by 立志當消防員的f.2學生 on 21 July, 2009  22:56 Reply

    Jack,星期日凌晨咪九號波,TKO果邊有人企跳PL局有去車,早上翻開報章正是Madam Wu果隊人有份去救.HL有去車嗎?

    • by Jack on 21 July, 2009  23:49 Reply

      有呀!基本上HL所包括的範圍很廣,一有跳樓就要出動!
      個日係C隊當值,所以我也略知一二...

  24. by 宗 on 22 July, 2009  2:08 Reply

    Jack sir,

    無意中發現你依個由真正消防員所整o既blog, 好想留下言.

    烈火雄心3 真係好好睇.
    小弟中學時o既志願就係做消防員, 不過屋企人一直都想我可以讀好書, 將來做一份輕輕鬆鬆的文職.
    大學畢業後我從事建築設計, 但心入面o既消防夢一直都冇熄滅過, 一直都keep 住就算幾忙, 每星期都去3日gym, 亦有做消防體能考試要求o既項目.
    但對上一次o既消防招募, 先發現原來一百度散光, 已經足以令我連參加體能考試o既資格都冇, 心入面真係好失望.
    不知不覺就黎27歲, 我決定左去做激光矯視, 希望黎緊o既一次招募可以順利入班, 做自己真係想做o既職業.

    • by Jack on 24 July, 2009  1:13 Reply

      你比好多人都幸福,因為你仍然可以堅持自己,向著目標進發~
      我也祝福你下一次可順利通過考試,成功入班!

    • by b仔 on 24 July, 2009  11:41 Reply

      祝你成功...只要一日係呢個世界都有機會實現夢想..

  25. by b仔 on 22 July, 2009  22:37 Reply

    剛剛睇完烈火雄心...我又有野想問了
    佢地話定期會掉局...係唔係真呢?
    要幾耐先會掉一次局呢?
    唔係同咩人夾開就同咩人有默契咩?如果成日掉 咪好難適應?

    • by Jack on 24 July, 2009  1:20 Reply

      其實調局對我地來講是一件很平常的事,有好多原因會調局,時間也話唔埋,有d師兄可以係一間局到守十幾年,有d守2~3更便會走~

  26. by 火怪 on 23 July, 2009  22:51 Reply

    有時經過聽到參鐘到,見到你地去車響SIREN
    有一種好難形容既感覺 可能同我細個係木屋區4號火警 俾消防員救出嚟既感覺一樣 無改變過
    心中會想 你地又要出去救人 啦

    我既感覺... 火怪 字

  27. by b仔 on 3 August, 2009  22:38 Reply

    對烈火雄心3好失望...愛情片黎..消防同愛情比例唔平均

  28. by Michael on 12 August, 2009  17:01 Reply

    Jack Sir,
    請問報考消防員安全大使容許近視嗎?

    • by Jack on 12 August, 2009  17:58 Reply

      冇問題!只要年滿12歲就可以加入消防安全大使~

  29. by b仔 on 15 August, 2009  20:26 Reply

    JACK!/口\
    今日烈火雄心大結局...唔知你洗唔洗返工..有冇機會睇呢
    電視故事雖然完 但你既烈火故事仲未完..加油=]

  30. by 祥 on 16 August, 2009  14:32 Reply

    之從睇左烈火想做消防..有冇人係大圍做消防?

  31. by 立志當消防員的f.3學生 on 20 September, 2009  22:21 Reply

    Jack請問係咪有把電動可馬陶?點解少見D師兄用?

  32. by 立志當消防員的f.3學生 on 7 October, 2009  18:48 Reply

    Jack你都好耐無上來啦,火炭果邊又有No.3,睇新聞果陣見到有SSO入火場,之前你話SSO係無BA,咁佢地係咪去BAT都攞BA呢?請求知道者也幫忙回答!

  33. by 立志當消防員的f.3學生 on 21 October, 2009  20:47 Reply

    Jack好耐冇見,我又想問D野,係關於電動Homato,點解唔多見D師兄用?仲有係都要讚下WTS,NCW局所有師兄,19號果日見到附近有火燒山草,WTS局HP,MP師兄們在12:45先上我邨做FIRE AREAM,大概兩果鐘我跑緊步果俥見都D師兄已經先徒歩拖喉駁街井上山,....經差不多兩果鐘先搞掂,之後跑返屋企攞相機影車,又有靚相.
    你們流下的汗水及血如可從死神處挽救一條寶貴的生命是值得.希望繼續你的消防故事!

  34. by 立志當消防員的f.3學生 on 21 October, 2009  20:58 Reply

    可惜!Jack我咪同你講過係之前926入八鄉影passing out點之......D相居然比我大意刪左唔見曬,唉!人生世事無常,一些不願接受的事實只可無奈接受再待時機成熟先再拍過.

  35. by 立志當消防員的f.3學生 on 9 November, 2009  18:46 Reply

    Jack沉晚又有單TA,傷者眾多,真係唔明果位司機的駕駛態度,我知你局又要去車.....雖然唔係你果隊,但真係見到果D傷者血肉模糊既場面,心裏也不禁心酸.自己明白人生可能要接受一些不願事實.希望死傷者家屬得以早日平復心情.你也要努力工作.

    • by Jack on 10 November, 2009  1:01 Reply

      有很多嚴重既 TA, 都係因為司機對自己太有信心所致... 高估了自己的技術,卻低估了意外的嚴重性!唉~

  36. by 立志當消防員的f.3學生 on 12 November, 2009  21:44 Reply

    Jack你果隊今日做左單工業意外,而傷者已明顯死亡,我見你哋着FR look物唔係應該着普班?

    • by Jack on 15 November, 2009  0:04 Reply

      著咩衫係聽 control 指揮,如果佢報特別服務我地先著普班嫁!

  37. by 立志當消防員的f.3學生 on 15 November, 2009  9:26 Reply

    但工業意外物唔係特別服務咩?

    • by Jack on 16 November, 2009  11:55 Reply

      咁就要睇下個傷者有冇被夾著或者壓著而令救護員不能夠把傷者送走了...
      不只是工業意外,有時候交通意外,只要是傷者可以自行或安全既情況下,我們都不用去車,只有救護員在場!

  38. by 立志當消防員的f.3學生 on 3 January, 2010  20:45 Reply

    係喎!Jack想問你八鄉係咪無左煙倉啦?之前去睇passing out同烈火雄心1既八鄉SCHOOL環境已經都周圍唔同哂!仲有facebook 更新左啦!得閒上去啦!

    • by Jack on 6 January, 2010  12:13 Reply

      煙倉應該仲有,因為我們要入返八鄉操實火訓練~
      最近我都冇入過八鄉,所以都唔知佢有冇大變,不過2月我要入去一次,到時再話比你知丫 ^^

  39. by b仔 on 7 January, 2010  19:04 Reply

    立志...你記得我嗎...你最近好嗎...
    jack最近好嗎...

  40. by 立志當消防員的f.3學生 on 7 January, 2010  19:50 Reply

    記得我已經好耐冇左你既音訊啦!你可以上返黎啦?

  41. by b仔 on 7 January, 2010  20:33 Reply

    唉...我都唔知咩事係家中仲未上到...我而家返緊夜校先可以上一上
    我讀埋呢科會準備考消防...呢幾個月我都好想搵你傾消防既野
    冇得上黎搵志同道合既朋友傾消防既野...對我黎講幾痛苦下
    新年了..立志我祝你新一年開開心心 夢想成真...
    同補祝你聖誕快樂..及祝jack...新一年工作順利

    • by Jack on 8 January, 2010  0:05 Reply

      b仔加油呀!讀好書後一定要勤力操好體能,仲要睇多d報紙增加自己的時事知識,我也希望你可以夢想成真。

      • by b仔 on 12 January, 2010  19:17 Reply

        jack哥哥 多謝你支持我同指點我...我一定會比心機...
        我真係好中意上你blog睇野同留言..
        點解我係屋企上唔到既?我只有星期2同4先上到來T.T

        • by Jack on 13 January, 2010  22:27 Reply

          你上唔到黎我諗係我個網存公司問題,唔知點解佢地鍾意亂咁 block ip?!?
          如果你知道屋企既 ip address 請 e-mail 比我,等我叫佢地 release 左你個 ip,
          又或者將屋企既 ip 更變就可以了~

  42. by 立志當消防員的f.3學生 on 7 January, 2010  21:10 Reply

    b仔 you have a facebook ? i want to at you

  43. by 立志當消防員的f.3學生 on 17 January, 2010  22:46 Reply

    Jack這陣子係黃間時代嗎?ReT TL AP 陸續有好多唔同車黎左,F545代541ReT泊WTS局, 我又可以去捕新車啦!不過真係想知會係幾時服役?

    • by Jack on 19 January, 2010  20:28 Reply

      我都唔知佢地幾時服役,佢地會係服役之前測試好多次,減少服役後的意外!

  44. by 立志當消防員的f.3學生 on 17 January, 2010  22:54 Reply

    Jack我已經交左消防安全大使張表比順利局到(已經係兩個月前既事啦),個SSO話因流感役情未有改善,好似話18歲以上D人先參加得,同埋好耐都無音訊,想知幾時先有堂上架?^~^!!可以既話幫我問下OK嗎?THANK YOU!

    • by Jack on 19 January, 2010  20:34 Reply

      消防安全大使12歲就可以參加嫁啦!
      的確因為流感役情的關係而停止開班了一段時候,不過而家已經開始返啦!
      就可能因為呢個原因,而等待上課的人有很多,所以都需要等一下了...

Leave a reply

Your email address will not be published.